گووگڵ پێشتر چاویلکەی زیرەکی گووگڵ گلاس و ئینتێل ڤانوتی دروستی کرد، بەڵام هیچ کامیان وەک بەرهەم نەخرانە بەر دەستی مشتەرییان. ئێستاکە کۆمپانیایەکی نوێ بە ناوی نۆرس، جووتێک چاویلکە دروست دەکات و بە تەمان بە شێوەی بەربڵاو بیخەنە بازاڕەوە، چونکە ئەم چاویلکەیە لە دیزایندا هاوشێوەی چاویلکەی ئاساییە. نرخی چاویلکەکە هەزار دۆلارە و ناوی فۆکاڵزە و بە وتەی کۆمپانیاکە لەم ساڵدا دەخرێتە بازاڕەوە. چاویلکەکە لە ڕێگەی بلوتوسەوە لەگەڵ تەلەفۆنەکەتان پەیوەندی دەگرێت. چاویلکەکە دەتوانێت کەشوهەواتان پێ بڵێت، کورتەنامەکانتان بۆ بخوێنێتەوە و تەنانەت بە ئەپلیکەیشنی ئەلێکساوە پەیوەندی بگرێت و لە ڕێگەوباندا ڕێنوێنیتان بکات. کۆمپانیای نۆرس لەلایەن ئەمازۆن، ئەلێکسا فاند، سپارک کاپیتاڵ، و ئینتێل کاپیتاڵەوە 140 ملیۆن دۆلار سەرمایەگوزاری تێدا کراوە.
خاک. سەمەد کوردە
created by Avesta Group and powered by Microsoft Azure