بەپێی ئەو نوسراوەی کە بەڕێوبەرایەتی گشتی ئەزموونەکانی وەزارەتی پەروەردی حکومەتی هەرێم ئاڕاستەی بەڕێوبەرایەتی گشتی پەروەردەکانی پارێزگاو ئیدارەی گەرمیانی کردووە، بە مەرج ئەو خوێندکارانەی 3 ساڵ لە یەک قۆناغدا ماونەتەوە دەتوانن لە خوێندنگای ڕۆژ بخوێن. لە نووسراوەێکی گشتاندندا کە ئيمزای بەڕێوەبەری گشتی ئەزموونەکانی لەسەرە، هاتوە: لەسەر ڕەزامەندی وەزیری پەروەردەو پاڵپشت بە خاڵی (19) بە ژمارە (14) تایبەت بە کاروباری قوتابیان لە کۆمەڵەی سیستم و ڕێنمایی ئەزموونەکانی قۆناغی ئامادەیی و بنەڕەتی سەبارەت بەو قوتابی و خوێندکارانەی کە دوو ساڵ لەسەریەک دەرنەچوون لە پۆلێکدا، بۆیان هەیە بۆ ساڵی سێیەم لە قوتابخانەکانی ڕۆژ بەردەوامبن بەم مەرجانەی خوارەوە.. 1ـئەگەر قوتابی/ خوێندکاری نیشتەجێبوو ئەو شوێنانەی کە قوتابخانەی ئێوارانی نییە، مافی هەیە تەنها بۆ ساڵی سێیەم لە قوتابخانەو خوێندنگاکەیدا بمێنێتەوە، واتە لە خوێندنی ڕۆژ بەردەوامبێت. 2ـبەهیچ شێوەیەک قوتابی/ خوێندکارانەی خاڵی (1) سەرەوە دەیانگرێتەوە مافی گواستنەوەیان نییە بۆ هیچ قوتابخانەیەکی تر. 3ـئەگەر قوتابی/ خوێندکاری دوای گواستنەوەی کرد بەهەر هۆیەوەک، ئەوا پێویستە بەپێی ڕێنماییەکان بەشێوەی دەرەکی بەشداری لە تاقیکردنەوەکان بکات. خاك
created by Avesta Group and powered by Microsoft Azure