كەشناسی هەرێم رایدەگەیەنێت: لە 19-10-2019 وە بارانبارین لە ناوچەكانی هەرێم دەستپێدەكات و لە ناوچە شاخاوییەكانیش بارانبارین زیاتر دەبێت. بەڕێوەبەرایەتی گشتی كەشناسی و بومەلەرزەزانی هەرێمی كوردستان لە راگەیەنراوێكیدا رایگەیاندووه: لە ئەنجامی كاریگەری نزمە پاڵەپەستۆی كەنداوی عەرەب پێشبینی دەكرێت لە ئێوارەی رۆژی شەممە 19ی تشرینی یەكەمی 2019ەوە سەرەتا بارانبارین بە شێوەیەكی بچڕبچڕ لە ناوچەكانی رۆژئاوای هەرێم دەستپێبكات. روونیشیكردووەتەوە: لە ڕۆژی یەكشەممە لە تەواوی ناوچەكانی هەرێم نمە بارانی پچڕپچڕ دەبارێت و پلەكانی گەرما لەگەڵ خۆی نزمدەكاتەوە، لە ناوچە شاخاویيە سنووریيەكان بارانبارین زیاتر دەبێت و پێشبینی دەكرێت لە هەندێك ناوچە لەكاتی بارانبارین هەورە تریشقەشی لەگەڵ بێت. كەشناسی دەشڵێت: رۆژی دووشەممە ئاسمانی هەرێم نیمچە هەور دەبێت و كاریگەری بارانبارین كەمدەبێت. خاك
created by Avesta Group and powered by Microsoft Azure