بۆگاتی بەتەمایە وەشانێکی نوێ بە بنەماڵەی شیرۆنەوە زیاد بکات. ئەم وەشانه هەڵگری پاشناوی Pure Sportـە و بەنسبەت وەشانەکانی پێشوو هەندێک ئاڵوگۆڕ لە سیستەمی ستۆپ و ئایرۆداینەمۆکەیدا هاتۆتە ئاراوە و هەروەها کێشەکەشی هەندێک دابەزیوە. وزەی بۆگاتی شیرۆنی Pure Sport لەلایەن هەمان بزوێنەری بەناوبانگ کە قەبارەکەی 8 لیتر و خاوەنی 16 سیلەندەرە، دابین ئەبێت. ئەسپەهێزی ئەم ئۆتۆمبێلە 1479ـیە بەڵام زەبرەکەی زیادی کردووە و گەیشتۆتە 6900 نیۆتۆن‌مەتر. لەباری رواڵەتەوە، بۆگاتی شیرۆن Pure Sport هەندێک گەورەترە بەبەراوردد لەگەڵ وەشانەکانی پێش خۆی. بۆ نموونه درگاکانی گەورەترە و باڵەکەی پشتەوەی 1/9 مەترە. بۆگاتی ئەڵێ ئەم باڵە هێزێکی یەکجار زۆر بەرەو خوارەوە بەرهەم دێنێت و ئەبێته هۆی هاوسەنگیی زیاتری ئۆتۆمبێلەکە. بۆگاتی تەنها 16 دانه لەم ئۆتۆمبێلە بەرهەم ئەهێنێت و نرخی سەرەتاییەکەی 3.2 ملیۆن یۆرۆیە.
سەرچاوە: carscoops
created by Avesta Group and powered by Microsoft Azure