ریاڵ مەدرید ئەمشەو لەیاری لەگەڵ یانەی "ریاڵ بیتیس"ـدا بە ئەنجامی 1-2 شکەستی هێنا و لوتکەی خشتەی لالیگای بۆ بەرشەلۆنە چۆڵ کرد. ئەم شکەستەی ریاڵ مەدرید ئەیتوانی قورستریش بێ، ئەگەر یاریزانەکانی بیتیس کەڵکیان لەهەموو دەرفەتەکان وەربگرتایە. زێدان لەکۆتایی ئەم یارییەدا گوتی: "ئەمە خراپترین نمایشی ئێمە لەم وەرزەدا بوو. ئێمە لە هەر دوو بەشی یارییەکەدا خراپ بووین و زۆر لاواز دەرکەوتین. کاتێک لەئاستی خۆتدا دەرنەکەوتی ئاکامەکەی ئەبێتە ئەم دۆخە. ئێمە کەموکووڕیمان زۆر بوو. هەم لەباری دەروونییەوە و هەم لەباری فۆرمی یاریکردنەوە. ئەبێ به وردی ئەم شکەستە تاوتوێ بکەین و خۆمان لەم قەیرانە دەرباز بکەین. ئەگەرچی لام وایه بەگشتی وەرزێکی باشمان تێپەڕ کردووە و هێشتاش ئەتوانین "بەرشەلۆنه" جێبهێڵێن." راهێنەرە فەڕەنسییەکە بە یاریزانەکانی گوتووە: "بەرپرسی سەرەکیی ئەم شکەستە منم. ئەمشەو هەموومان خراپ دەرکەوتین و ئەوەیکە "کرۆس"ـم لە یارییەکە هێنایە دەرەوە بەو واتایە نییە کە تەنها ئەو لاواز دەرکەوتووە."
خاک _ پشکۆ کامەران
created by Avesta Group and powered by Microsoft Azure