سەرەتاکانی دەیەی 40، نەخۆشییەکی گوازراوە سەرانسەری وڵاتی جەزائیری داگرت. زۆرینەی دانیشتووانی شاری "ئەران" تووشی ئەم نەخۆشییە هاتن و ژمارەیەک گیانی خۆیان لەدەستدا. هەموو شتێک لە حاڵەتی ئاسایی خۆی دەرچوبوو و شارەکە کەرەنتینە کرا. ئەمە دەسپێکی رۆمانە ناوازەکەی ئەلبێر کامۆیە واتە "تاعوون". ئەم رۆمانە زۆر هاوشێوەی رووداوەکانی ئێستای جیهانە. دامەزراوەی "ئەدیستات" کە رادەی فرۆشی کتێب تۆمار ئەکات، لەراپۆرتێکدا گوتوویەتی: رادەی فرۆشی رۆمانی "تاعوون" لەکاتی بڵاوبوونەوەی ڤایرۆسی کۆرۆنا لە فەڕەنسا بەچڕی زیادی کردووە و لە دوو مانگی رابردوودا رادەی فرۆشەکەی گەیشتۆتە 1800 بەرگ. ئەمە لەحاڵێکدایە کە لە ساڵی رابردوو و لەم مەودا زەمەنییەدا تەنها 400 بەرگی لێ فرۆشرابوو. لە ئیتاڵیاش فرۆشی ئەم رۆمانه 3 بەرابەر بووە و ئەم کتێبە لە پلەی یەکەمی پڕفرۆشەکانی ماڵاپەڕی ئەمازۆندا جێگیر بووە. جگە لەم رۆمانه، فیلمی "بڵابوونەوە/ Contagion"ـش فرۆشێکی باشی هەبووە. ئەم فیلمە ساڵی 2011 لەلایەن "ستیڤێن سۆدربرگ"ـەوە بەرهەم هاتووە و چیرۆکەکەی زۆر هاوشێوەی دۆخی کۆرۆناییە. ئەمە یەکەم جار نییە کەم ئەم جۆرە کتێب و فیلمانە ئەبنە جێی سەرنجی کۆمەڵگا. بۆ نموونە لەپاش سووتانی کڵێسای نۆتردام لەساڵی رابردوودا، خەڵکێکی زۆر روویان لە رۆمانی "پشت کووری نۆتردام" لە نووسینی ڤیکتۆر هۆگۆ کرد.
خاک _ پشکۆ کامەران
created by Avesta Group and powered by Microsoft Azure