یۆرگن کلۆپی ئەڵمانی و راهێنەری یانەی لیڤەرپوڵی ئینگلیزیی، لە نوێترین لێدوانیدا باسی جیاوازییەكانی نێوان کریستیانۆ رۆناڵدۆی پۆرتوگالی و لیۆنێل میسی ئەرجەنتینی دەكات. لە نوێترین لێدوانیدا کە تۆڕی "ڕوسیا سپۆرت" بڵاوكردۆتەوە، کلۆپ دەڵێت "كاتێك كریستیانۆ دەبینم هەست بەوە دەكەم كە ئەو یاریزانە لە روی توانای جەستەیی و لێدانی سەرو خێراییەوە یاریزانێكی كامڵترە، بەڵام كاتێكیش مێسی دەبینم بە جەستەیەكی لاواز و لەگەڵ ئەوەشدا لە رابردودا بەدەست نەخۆشییەوە ناڵادوێتی، ئەمە وا دەكات مێسیم پێ سەرسوڕهێنەرتر بێت و كەمێك زیاتریش خۆشمبوێت". كلۆپ دەشڵێت "مێسی لە نێو یاریگادا جیاوازەی و زۆر بە ئاسانی كارەكانی ئەنجام دەدات، ئەمەش وایكردوە سەرسوڕهێنەرتر دەربكەوێت، بەڵام نكۆڵی لەوەش ناكرێت كە كریستیانۆ یاریزانێكی مەزن و لێهاتوە". لە شێكی دیكەی لێدوانەكەیدا كلۆپ دەڵێت، ماوەی چەند ساڵێكە لە شاری لێڤەرپوڵ لە ناوچەیەك دەژیم كە ماڵی ستیڤن جیراردیش لەو ناوچەیە و زۆر لە یەكەوە نزیكبوین، بەڵام من ئەوەم نەزانی بو، تا لە ماوەی كەرەنتینەدا كاتێك دەچومەدەر بۆ پیاسە كردن دەمبینی لەگەڵ خێزانەكەی و 6 بۆ 7 جار پێكەوە قسەمان كرد، دەتوانم بڵێم كەرەنتینە ئەو خاڵە پۆزەتیڤەی بۆ من هەبو.
خاک _ پشکۆ کامەران
created by Avesta Group and powered by Microsoft Azure