"باب برێدلی" لەنێوان ساڵەکانی 2011 بۆ 2013 راهێنەری هەڵبژاردەی میسر بوو. محەمەد سەلاح لەو کاتەدا ئەستێرەیەکی گەنج بوو کە هێشتا لە یانەکانی میسر بۆ نموونەی یانەی "المقاولون"ـدا یاری دەکرد و تازه ببووە یاریزانی هەڵبژاردەی میسر. پاش ئەوە بوو کە سەلاح بە درەوشانەوە لە یانەی هەڵبژاردەی میسردا رەوانەی بازڵی سویسڕا کراو و پاشان جلوبەرگی چیڵسی، فیۆرێنتینا و رۆمی کردە بەر. بەڵام لەو کاتەوەی کە سەلاح پەیوەست بووە بە یانەی لیڤەرپۆلەوە، درەوشانەوەی سەرەکیی سەلاح دەستی پێکردووە و لەئێستادا بووەتە یەکێک لە ئەستێرە گرنگەکانی تۆپی‌پێی جیهان. برێدلی دەڵێ راسپاردەکەی ئەو بە سەلای کاریگەریی زۆری بووە لەسەر دەستەبەربوونی سەرکەوتنەکانیدا. برێدلی لە چاوپێککەوتنێیک تەلەفیزیۆنیدا دەڵێ: "بۆ ئەوەی بدرەوشێیەوە رێک ئەبێ شوێن‌پێی میسی بگریە بەر و لاسایی ئەو بکەیتەوە. ئەویش ئەم قسەیەمی لە گوێ گرت و بوو بەو سەلاحەی وا ئێستا دەیبینن." راهێنەری پێشووی هەڵبژاردەی میسر لەدرێژەدا گوتی: "من کاتی خۆی دەمویست پۆستی سەلاح بگۆڕم و وەکوو هێرشبەر بکاری بێنم لە پێکهاتەی یانەکەدا چونکە خێراییەکی زۆر باشی هەیە. سەلاح ئێستا یەکێک لە باشترین یاریزانی جیهانە."
خاک _ پشکۆ کامەران
created by Avesta Group and powered by Microsoft Azure