یاریزانێکی یانەی ریاڵ مەدرید رایدەگەیەنێت لە ئێستادا یانەکەی پێویستی بەتواناکانی لیۆنێل مێسی ئەرجەنتینی نییە . مارکۆ ئەسینسیۆی یاریزانی یانەی ریاڵ مەدرید لەوەڵامی پرسیارێکی رۆژنامەی مارکادا و لەبارەی پێویست بونیان بەتواناکانی لیۆنێل مێسی وتویەتی "لەئێستادا یانەکەیان پێویستی بەهیچ یاریزانێک نییە تەنانەت ئەگەر لیۆنێل مێسیش بێت". ئەسۆنسیۆ وتوشیەتی "تیپێکی نمونەییمان هەیە، گەربێت و بۆ وەرزی داهاتو بەمشێوازەی ئێستا بمێنێتەوە بەسودی شاهانە دەبێت". ئەسۆنسیۆ هەرچەندە ماوەیەكی زۆرە بە هۆی پێكانەوە دوركەوتبۆوە، بەڵام ئەو یاریزانە بە ئاستی ئێستای یانەكەی گەشبینە و پێیوایە یانەی ریاڵ مەدرید دوای گەڕانەوەی زیدان ئاستی بەرەو پێشچوە و ئەگەر لەسەر ئەو شێوازە بەردەوام بن بۆ ركابەرییەكانی وەرزی داهاتو ركابەرێكی سەخت دەبن بۆ یانەكانی ئەوروپا و ئیسپانیا.
خاک _ پشکۆ کامەران
created by Avesta Group and powered by Microsoft Azure