شەوی رابردو لە یاریی كۆتایی جامی یانە پیشەگەرەكانی فەرەنسا، یانەی پاریس سان جێرمان ڕوبەڕوی یانەی ئۆڵمیپك لیۆن بۆوە و توانی سەركەوتن بەسەر ركابەرەكەی تۆماربكات و سێیەم نازناوی ئەم وەرزە بەدەستبهێنن. ئەنجامی یارییەكە بە بێ گۆڵ كۆتایهات، و یارییەكەش بە لێدانی یەكلاكەرەوە كۆتایهات، كە تێیدا یاریزانانی یانەی پاریس یان جێرمان بە سەركردایەتی نەیمار داسیلڤا یارییەكەیان بە ئەنجامی 6-5 گۆڵ بردەوە و بوەنە پاڵەوانی جامی یانە پیشەگەرەكانی فەرەنسا. پێشتر و بەهۆی بڵاوبونەوەی ڤایرۆسی كۆرۆنا، حكومەتی فەەرنسا یارییەكانی ئەم وەرزەی خولی فەرەنسی هەڵوەشاندەوە و یانەی پاریس سان جێرمانی وەك پاڵەوانی خولەكە دیاریكرد، دواتر پاریس جامی فەرنساشی بەدەستهێناو شەوی رابردوش سێیەمین نازناویان بردەوە. دوای یارییەکە تۆماس توخێل، راهێنەری پاریس سانجێرمان وتی "ماورۆ ئیكاردی و لایڤین کورزاوا و تیاگۆ سیلڤا، لە ماسولەکەکانیاندا توشی پێکانبون، بۆیە لە یارییەکەدا گۆڕانکاریان پێکراوە".
خاک _ پشکۆ کامەران
created by Avesta Group and powered by Microsoft Azure