لە سەردەمێکدا دەژین کە پاراستنی رواڵەت بووەتە بابەتێکی گرنگ. بەم حاڵەوە زۆرینەی ئێمە لامان وایە تەنها ئەو شوێنانەی جەستە کە دەبیندرێن بۆ نموونە دەموچاو، مل و دەست پێویستە ئاگاداریان لێبکەین و ژمارەیەکی کەم لە خەڵک نیگەرانی بەشە نەبیندراوەکانی جەستەن، واتە ئەو شوێنانەی کە تەمەنی راستەقینەی ئێوە دەردەخەن. لەم بابەتەدا ئاماژە بە چەند دانە لەم شوێنانە دەکەین. گلێنەی چاو: تیپەڕبوونی کات دەتوانێ ماسولکەکانی دەوروبەری گلێنەی چاو بچووک بکاتەوە و هەستیاربوونی بە تیشک کەمتر دەبێتەوە. هەر بۆیە کەسانی تەمەن 60 ساڵ بەنیسبەت گەنجانی تەمەن 20 ساڵ، تیشکێکی زیاتری پێویستە بۆ ئەوەی کتێبێت بخوێنێتەوە. ژێرباڵ: پێستی ئەم بەشەی جەستە زۆر هەستیارە و دەتوانێ بەخێرایی خۆڕاگری خۆی بەنیسبەت ئەو زەختانەی دێتە سەری لەدەست بدات و بکێشرێتەوە ئەژنۆکان: ئەژنۆ بەردەوام لە جووڵەدان. کەوابوو جێی سەرسوڕمان نییە کە پێستی ئەم شوێنە بکێشرێتەوە. لەڕاستیدا ماسولکەکانی ئەژنۆ بە هەڵکشانی تەمەن لاواز دەبن و ئەوەش کاریگەری لەسەر رواڵەتی ئەم بەشە دەبێت و ئێش و ئازاریشی لێدەکەوێتەوە. قاچ: ئەو گۆڕانکاریانەی بە هەڵکشانی تەمەن لە ئاستی هۆرمۆنەکاندا روو دەدات، توێژی دەرەوەیی پێست ئەستوور دەکات. لەڕاستیدا توێژی ژێر پێست بە بەرزبوونەوەی تەمەن ناسک دەبێتەوە و ئەوەش وشکبوون و رەقبوونی پێستی لێدەکەوێتەوە. ئەم بابەتە بەتایبەت لە قاچەکاندا زیاتر روو دەدات. برۆ: برۆکانی ئێمە لەکاتی پیربووندا لاواز دەبن و درەوشانەوەی خۆیان لەدەست دەدەن و هەندێک جار پێدەچێ کەسەکە برۆی نەبێت یان تاشیبێتی.
سەرچاوە: brightside
created by Avesta Group and powered by Microsoft Azure