فشاری خوێن یەکێک لە هۆکارە سەرەکییەکانی جەڵتەی مێشک و دڵە و بەداخەوە بە هۆی لایف ستایل و شێوەی خواردنی ئەم سەردەمەوە، زۆر کەس تووشی دەبن. بۆ چارەسەرکردنی فشاری خوێن دەبێ شێوەی ژیانمان بگۆڕین، واز لە جگەرەکێشان بهێنین، خواردنی چەوری کەم بکەینەوە، وەرزش بکەین و سیستمێکی خۆراکی باش بەکار بێنین. لەم بابەتەدا ئێمە پێتان دەڵێن کام یەک لە خۆراکەکان فشاری خوێن کەم دەکەنەوە. شیرەمەنی: شیرەمەنی پڕاوپڕە لە کالسیۆم کە رۆڵی هەیە لە کەمکردنەوەی فشاری خوێندا. هەڵبەت دەبێ شیرەمەنی کەم چەوری بەکار بێنن. چۆکڵێت: چۆکڵێت و کاکاو دەوڵەمەندن بە مادەی "فلاونۆل" کە فشاری خوێن کەم دەکاتەوە. فلاونۆل هۆکارە بۆ بەرهەمهاتنی ئەاسید نیتریک و ئەم ئاسیدەش دەمارەکانی خوێن دەکاتەوە و بەم جۆرە ئاستی فشاری خوێن دادەبەزێنێت. زەیتی زەیتوون: زەیتی زەیتوون مادەیەکی تێدایە بە ناوی «پۆلی‌فنۆل» کە بەپێی توێژینەوکان فشاری خوێنی سیتۆلیک و دیاستۆلیک کەم دەکاتەوە. فستق: بەپێی توێژینەوەیەک کە ساڵی 2013 دەرئەنجامەکانی لە گۆڤاری "فشاری خوێن"ـدا بڵاو بووەوە، دەرکەوت ئەو بەشداربووانەی کە بەنیسبەت بەشداربووانی دیکە رێژەیەکی زیاتر فستقیان خواردووە، فشاری خوێن و کۆلستڕۆڵی خوێنیان زیاتر دابەزیوە. هەنار: سوودەکانی هەنار بۆ سیستمی خوێن ئاشکران بەڵام لە توێژینەوەکاندا دەرکەوتووە هەنار دەتوانێ فشاری خوێنیش کەم بکاتەوە. ئەگەر هەیە ئەم تایبەتمەندییە بەهۆی بوونی کالسیۆم یان پۆلی‌فنۆل لە پێکهاتەی هەناردا بێت.
سەرچاوە: berkeleywellness
created by Avesta Group and powered by Microsoft Azure