وه‌رزشكردن له هه‌موو كاتێكدا به‌سووده، به‌ڵام له به‌یانیاندا تایبه‌تترو گرنگتره، به‌وپێیه‌ی وزه‌و چالاكی به جه‌سته‌ت ده‌به‌خشێت و ته‌واوی ئه‌و رۆژه به ئارامی ده‌تهێڵێته‌وه، هه‌ربۆیه پزیشكان چه‌ند هۆكارێكیان دیاری كردووه تا به‌یانیان وه‌رزش بكه‌یت، ئه‌وانیش: * مێشك و هزر چالاك ده‌كاته‌وه، هه‌ربۆیه ئه‌گه‌ر ده‌ته‌وێت ته‌ركیزت باش بێت به‌یانیان وه‌رزش بكه. * سه‌ره‌كیترین رێگه بۆ زاڵبوون به‌سه‌ر سوتاندنی كالۆری و كۆنترۆڵكردنی خواردن له پێناو كه‌مكردنه‌وه‌ی كێشی جه‌سته‌ت، به‌یانیان وه‌رزش بكه. * ئه‌گه‌ر به‌یانیان وه‌رزش بكه‌یت ئه‌وا ئه‌و رۆژه ئارام ده‌بیت و خه‌ویشت گونجاو ده‌بێت و پچڕپچڕ نابێت، هه‌روه‌ها دڵه‌ڕاوكێت نابێت. * هێزو توانای جه‌سته‌ت به‌هێز ده‌كات و ئه‌و به‌یانیانه‌ی وه‌رزش ئه‌نجام بده‌یت، ته‌واوی ئه‌و رۆژه هه‌ست به ماندووبوون ناكه‌یت و ئاره‌ووی ئه‌نجامدانی چه‌ند كارێكت ده‌بێت. خاك - ئاژانسه‌كان
created by Avesta Group and powered by Microsoft Azure