وەزارەتی رۆشنبیری هەرێم بڕیاریدا لەمەودوا بەكارهێنانی ئاوازو میلۆدی فۆلكلۆر بۆ ریكلامی بازرگانی قەدەغە بكرێت و هەر كۆمپانیایەكی ریكلام و كەناڵێكی میدیایی بەكاریبهێنێت رێكاری یاسایی بەرامبەر دەگیرێتەبەر. له راگه‌یه‌نراوێكی وەزارەتی رۆشنبیری و لاوانی هەرێمدا ئاماژە بە یاسای ژمارە (17)ی یاسای مافی دانەرو مافە هاوسێكانی ماددەی چوارەم وەزارەتی رۆشنبیری و لاوان خاوەندارێتی سەرجەم ئاوازە فۆلكلۆرییەكان دەكات كە خاوەنەكانیان دیارنین. دەشڵێت: راگرتنی سەرجەم ئەو ریكلامانەی كە گۆرانی و ئاوازی فۆلكلۆرو هونەرمەندانی نەتەوەكەمانی تێدا بەكارهێنراوە بۆ مەبەستی كاری بازرگانی. هەر لە نووسراوەكەی وەزارەتی رۆشنبیریدا ئەوەش خراوەتەڕوو: لەرۆژی دەرچوونی ئەم نوسراوە هەر كۆمپانیایەكی ریكلام و كەناڵێكی میدیایی ئاوازو گۆرانی فۆلكلۆر بەكاربهێنێت رێكاری یاسایی بەرامبەر دەگیرێتەبەر بەپێی یاسای مافی دانەرو مافە هاوسێكانی. خاك
created by Avesta Group and powered by Microsoft Azure