ئەو کەسانەی بەیانیان زوو هەڵدەستن ئەم خووخدەیە بە نهێنیی سەرکەوتنەکەیان دەزانن. جگە لەوە هەر لە کۆنەوە لەسەر بەیانی زوو هەستان جەخت کراوەتەوە و زۆر شتی لەسەر گوتراوە و نووسراوە. لەدرێژەدا بەشێک لە سوودە تەندرستییەکان ئەم خووخدەیە دەخەینە روو. کاتێکی زیاترت هەیە: کاتێک بەیانی زوو هەڵدەستیت کاتێکی زیاترت هەیە بۆ ئەنجامدانی ئیش و کارەکانت. ئەو کەسانەی درەنگ هەڵدەستن هەمیشە بەپەلەن و بە سترێسەوە کارەکانیان رادەپەڕێنن. بەیانی زوو هەستان ئەو هەلەت بۆ دەڕەخسێنێت بەیانیان پیاسەیەکیش بکەیت. خواردنی نانی بەیانی. لەسەر خواردنی ئەم ژەمە خۆراک زۆر بابەت و وتاری زانستی نووسراوە و لە کۆنیشەوە باسی گرنگیی خواردنی نانی بەیانی کراوە. بەیانی زوو هەستان ئەو دەرفەتەت پێ ئەدات کە بە ئارامی ئەم ژەمە خۆراکە بخۆیت و لە سوودەکانی بەهرەمەند بیت. سیستمی خەوەکەت باشتر دەکات: ئەوە قسەیەکی بێ‌بنەمایە کە ئەگەر لەکاتی ماندووبووندا زیاتر بخەویت کەیفسازتر دەبیت. خەوتنی لەڕادەبەدەر ماندوویەتی و نائارامی لێدەکەوێتەوە. دواتر ئەو کەسانەی لە کاتێکی دیاریکراودا دەخەون و هەڵددەستن کەمتر تووشی کێشەی جەستەیی و دەروونی دەبن. هاوسەنگیی کێشی جەستە: لە بابەتەکانی پێشوودا باسمان لەوە کرد یەکێک لە زیانەکانی شەو نەخەوتن زیادبوونی کێشی جەستە و قەڵەوییە. بەم جۆرە ئەو کەسانەی زوو هەڵدەستن دیارە شەوانە زووتر دەخەون و رووبەڕووی ئەم کێشەیە نابنەوە.
سەرچاوە: namnak
خاک _ پشکۆ کامەران
created by Avesta Group and powered by Microsoft Azure