چا یەکێک لە بەتامترین خواردنەوەکانی جیهانە و لە زۆرینەی وڵاتانی جیهان وەکوو خواردنەوەیەکی رۆژانە بەکاری دێنن. هەر لە کۆنەوە مرۆڤ لە سوودەکانی ئەم مادەیە ئاگادار بووە و لەئێستاشدا کۆمەڵێک توێژینەوەی زانستی ئەم بابەتەی پشتڕاست کردووەتەوە. لەدرێژەدا باسی سوودەکانی چا بۆ تەندروستیی دڵ دەکەین. کەمبوونەوەی ورووژانی دەمارەکان: چا و مادە پێکهێنەرەکانی بۆ نموونە پۆلی فێنۆلەکان رۆڵێکی گرنگیان لە ئارام کردنەوەی دەمارەکاندا هەیە، ورووژانەکان کەم دەکەنەوە، چالاکیی نیتریک ئۆکسید بەرز دەکاتەوە و توێژەکانی ناو دەمارە خوێنییەکان دەکەونە دۆخێکی باشترەوە. کەمبوونەوەی چەوریی LDL(کۆلسترۆڵی زیانبەخش): چا بە کەمکردنەوەی LDL مەترسیی تووشبوون بە نەخۆشییەکانی دڵ و جەڵتە کەم دەکاتەوە. چای سەوز پڕاوپڕە لە پۆلی فێنۆل و کاتچین کە دوو دانە ئەنتی‌بایۆتیکی زۆر گرنگن و بەرگیری لە چالاکیی جینی قەڵەوی، شەکرە و زیادبوونی چەوریی ورگ دەکات. دابەزینی ئاستی تری گلیسیرید: بەپێی توێژینەوەکان، چای سەوز هەروەها ئاستی کۆلیستڕۆڵ کۆنتڕۆڵ دەکات بەڵام ئەگەر حەزتان لە چای رەشە هیچ نیگەران مەبن. چای رەشیش ئاستی تری گلیسیرید کە چەورییەکی مەترسیدارە کەم دەکاتەوە و هەروەها ئاستی چەوریی بەسوود یان HDL زیاد دەکات. ئەم مەوادە رەنگێکی روون بە چایەکە دەبەخشن.
سەرچاوە: namnak
خاک _ پشکۆ کامەران
created by Avesta Group and powered by Microsoft Azure