ڕۆژی جیهانی سینه‌ما له سلێمانی ده‌ستی به كاره‌كانی كردو جگه له نمایشكردنی چه‌ند فیلیمێكی سینه‌مایی، چه‌ند هونه‌رمه‌ندێكی بواری سینه‌ماش خه‌ڵات كران. ژماره‌یه‌كی به‌رچاو له سینه‌ماكاران و هونه‌رمه‌ندان و ڕۆشنبیران وهونه‌ردۆستان چالاكیيه‌كانی ڕۆژی جیهانی سینه‌ما ده‌ستی به كاره‌كانی كرد. له ڕۆژی یه‌كه‌می مه‌راسیمه‌كه خه‌ڵاتی ڕێزلێنان له‌لایه‌ن هه‌ریه‌ك له د.موحسین ئه‌دیب به‌ڕێوه‌به‌ڕی گشتی ڕۆشنبیری و هونه‌ری سلێمانی و محه‌مه‌د كوردۆ جێگری به‌ڕێوه‌به‌ر به‌خشرایه بنه‌ماڵه‌ی هونه‌رمه‌ندانی كۆچكردوو عه‌بدوڵا خه‌یات و كامه‌ران شه‌وقی، هاوكات خه‌ڵات به‌خشرایه هه‌ریه‌ك له هونه‌رمه‌ندان كاوه قادرو چریكه عه‌به‌ڕه‌ش، دواتر چه‌ند فیلمێكی سینه‌مای نمایشكرا. بڕیاره دووشه‌ممه سه‌عات چواری ئێواره چالاكیيه‌كان له‌هه‌مان شوێن به‌رده‌وامبێت و چه‌ند فیلمێكی تری سینه‌مایی نمایشبكرێت. خاك - راگه‌یاندنی به‌ڕێوه‌به‌رایه‌تی هونه‌ری سلێمانی
created by Avesta Group and powered by Microsoft Azure