بەپێی پێشبینیەكانی بەڕێوبەرایەتی كەشناسی و بومەلەرزەزانی هەرێم بارانبارین دەست پێدەكاتەوە. كەشناسی و بومەلەرزەزانی هەرێمی كوردستان لە راگەیەنراوێكدا بڵاویكردووەتەوە: لە ئەنجامی یەكگرتنی دوو نزمە پەستان كە یەكێكیان لە دەریای سپی ناوەڕاست و ئەوی دیكەیان لە دەریای سور كە بارستە هەوایەكی شێداری لەگەڵدایە، پیشبینی دەكرێ لە كاتەكانی درەنگانی شەوی شەممە ئاسمانی هەرێم بەتەوای بگۆڕێت بۆ هەوری تەواو. ئاماژەی بەوەش داوە: سەرەتا بە نمەبارانی پچڕپچڕ دەستپێدەكات پاشان بۆ ڕۆژی یەكشەممە ئاستی بارانبارین هەندێ كات دەگۆڕێت بۆ بارانی مامناوەندو بارانی بەلێزمە لە ناوەڕاست و رۆژهەڵات و باكوری ڕۆژهەڵاتی هەرێمی كوردستان. روونیشكراوەتەوە: لە پارێزگای هەڵەبجەو هەندێك ناوچەكانی گەرمیان و باشوری رۆژئاوای هەرێم پیشبینی بارانی مامناوەندو هەورە تریشقە دەكرێ و درەنگانی شەوی یەكشەممە شەپۆلەكە كۆتایی دێت. خاك - راگەیەنراو
created by Avesta Group and powered by Microsoft Azure